Tuesday, March 20, 2012

ناقصات عقل ودين ...

النساء ناقصات عقل ودين:
مرة أخرى نتجاوز النص ..
وكل دين أو فكر يرفض العقل عنده مشكلة , لأن رفض العقل والحجة والنقاش
يعني إخفاء الحقائق , وإرهاب فكري ..
ومرة أخرى أتناول فقط الناحية الإجتماعية ..
كان هناك حديث , صدعوا بنا به .. بالمدرسة ..
والتلفزيون , والمسجد ..
" إذا رأيتم الرجل يعتاد المساجد فاشهدوا له بالإيمان "
أتذكر إني كم مرة كفرت أمام أساتذتي لأني أردت مناقشة هذا الموضوع ..
كان منطقي هو التالي ..
أنا لو كنت جاسوس , ماأحتاج أعرف عنكم إلا هذا " الحديث "
وأدخل في كل أسراركم ..
وبعدين سو كل بلا وتعال المسجد وانتهى كل شي ..
بالضبط زي مجتمعنا ..
الصلاة الصلاة , واترك المخزي " الدخان " ..
والجنة بالجيب .. والا يمكن بالحبة وربع ..
ثم جاءت حرب السعودية على القاعدة
وتفاجأت هذه الأيام أن هذا الحديث " موضوع "
والله نكتة حلوة ..
اللي تغلب به إلعب به ..
كان أول سلاح , والآن رفضه سلاح ..
بالضبط مثل موضوعنا .. قلة عقل ودين المرأة ..
طيب ياجماعة الخير .. هي لماذا المقاسات على نساءنا يعني ؟؟
يعني هذا الدين وهذا الرب .. بس بجزيرة العرب ؟؟
يعزف السلام الوطني , واللحى تضرب تحية لمرة وزيرة خارجية , وحتى رئيسة دولة
وهي ناقصة عقل ..
والله .. إني أعرف منهو ناقص العقل ..
والا جيوشنا وحرسنا الوطني , والوزراء والأمراء والمشايخ والمفتين ..
تلقاه قدام مرىة من آل سعود وآل خليفة وآل ثاني طاااخ .. طاخ ..
والخشبة اللي ماعرف إسمها تتغير كل يومين من قوة المنافسة في ضرب التحية للمرة الناقصة عقل ..
وتجي المرة ناقصت العقل , وتجمع بلبنان حولها الحريري والحديدي ..
وخذ ياأوامر .. وهي ناقصة عقل ..
وتقود المرأة الجيوش وتقاتل .. وهي ناقصة عقل ودين بعد ..
وتكون مسؤولة عن مؤسسة , مثل مؤسسة الوليد بن طلال , وتحتها رجاااال
وهي ناقصة عقل ..
لكن .. نقص العقل الظاهر هذا ..
بس لين يكون فيه مصلحة ..
والا غصب عليهم .. وشوفوهم وهم أمام وزيرة خارجية أمريكا ..
اللي حتى زوجها اللي مايعترف لا هو ولا ثقافته إن النساء أقل من الرجال
 ماوجد عندها اللي عند الحريم وراح خانها طياري مع صهيونية ..
لكن عندنا .. وهي ناقصة عقل , أصبحت سيدة تأمر وتطاع ..
وانقلبت الموازين ..
ليه حريمنا بس هن اللي ناقصات عقل ودين ؟؟
شمعنى كلينتون يعني عبقرية زمانها ..
وإمام مسجد قد الدنيا , وقائد سلاح جو لحيته كبر ذيل الفيل
يجري وراها بالتحية العسكرية .. حتى يرضي ناقصة العقل والدين ..
هذا ثمن تغريب العقل والمنطق , ووصم الفكر الحر بالزندقة ..
من يصدق أن دولة تمنع الإختلاط وتحرمه وتجرمه يكون فيها من يبيع
ملابس النساء هم الرجال , يعرف المقاس والتفصيل , وهات ياتخيل ..
احتجنا 100 سنة من عمر دولة آلسعود المجيدة حتى نقتنع إن هذا خطأ ..
ونسمح للحريم بالخصوصية , ونجيبلهم حريم يبيعون عليهم ملابسهم ..
بس تو باقي الصيدليات والمراكز التجارية ..
والحفاظات النسوية ..
أصبح أي عامل في أي حارة أو حي على علم تام صحيح حسن موثوق
بالدورة الشهرية لكل نساء الحي ..
لا , والبلى إن إمام الحي بلحيته يجي ويشتري الحفاظات
وإن ماأرسل السواق بعد ..
أحد يفهمني شنو يعني ناقصات عقل عندنا بس
لكن يتحكمن فينا وبملوكنا ورؤساءنا إذا كانوا أمريكيات أو من عائلة حاكمة ..
وناقصات دين عندنا بس , لكن تحدد لنا إذا كانت أميرة أو وزيرة خارجية أو رئيسة دولة أجنبية
من اللي نعاديه , ومن اللي نحابيه , ومن نود .. ومن نكره ..
يذكرني بعد بفتوى مرت علي إن صبغ الشعر بالأسود حرام ..
أي عدل هذا .. وأي منطق ؟؟
يعني أبوي مثلا " على فكرة هو صغير عمره " وشيبه قليل ..
مايقدر يصبغ بالأسود , لكن الأحمر الغربي , يصبغ لون شعره بالضبط ؟؟
يعني مايبان حتى إنه مصبوغ , ..
هي من بدري عقدة الغرب أظنها ..
كيف دين يفرق بين الناس وهو يدعي العالمية والعدالة ؟؟
ياإما المشكلة بالدين والا المشكلة باللي يترجمونه ..
لأن الآن الدين مؤسسات رسمية , ومناصب تعين من قبل الحكام ..
بطل يصير العقل والعلم والذكاء هو من يقرر العلماء والمشايخ ..
تقبيل يد الحاكم والركوع أمامه , والنطق بما يريده هو " العالم الرباني "
حتى لو كان عبد حبشي ..
على قذارة هذا المعنى أيضا العنصري .. ( كتبت موضوع عنه من 8 أشهر "
يعني بهذا المعنى " يكون أحقر الخلق , هو " عبد " و " حبشي "
أما دين .. عنجد يرفع الراس ..
ومعنى الدين هنا هو الأسلوب , حتى مايجيني واحد من الطقة إياها ويقول كفر وزنديق ..
ومن هالملابس والتصنيفات الجاهزة للهجوم على كل من يسأل ويناقش ..
ياجماعة شيوخنا عمي .. يعني شلون يختار كتاب على كيفه؟؟
شلون يبحث على كيفه ؟؟
شلون يكون عالم نووي أعمى ؟؟
شلون يكون خراز أحذية أعمى ؟؟
يعني بس الدين هو اللي حائطه قصير ؟؟
يقبل الأعمى والأطمش واللي مايسمع ؟؟
ويصبح اللي يختار له الكتب والمدرسة هو المتحكم بفكره ؟؟
يطلع علينا ويطالب بهدم كنائس في دول أخرى ؟؟
ويحكم على مواطنين يطالبون بحقوقهم  بالزندقة والكفر وأنهم طابور خامس ؟؟
أعرف والله الطابور الخامس وين هو ..
اللي يقرالك الكتب , وانت مثل الاطرش بالزفة ..
فاقد الشيء لا يعطيه , وأهل الإعاقات هؤلاء يجب أن ينتهوا ..
نحن نخدمهم في بيوتهم , بس يفكونا شرهم ..
وإذا كانت الدولة وعدد شعبها يفوق 20 مليون , أعلم أهلها هم العمي والصم والعرج
يكفيها دليل أنها كاذبة مدعية منافقة ..
لم يجعل الله نبيا أعمى , وكان سبب الوحي متصل بينه وبين الله ..
ولن تتغير معجزاته , وسوف لا يزال يستطيع معرفة كل مايأذن له الله به ..
لكن ماسمعنا إن هناك نبي أعمى .. والا يمكن  عميانا أذكى من الأنبياء ؟؟
يفهمون كل شي يفهمه الأنبياء وهم فاقدين بعض ميزات الأنبياء ؟؟
عندهم معجزات ماشفناها بأي نبي ..
لكن لا تلوموني , ماهو العرق دساس ؟؟
والوراثة المندلية تقول أن نصف جيناتي من أمي ؟؟؟
وهي ناقصة عقل ودين ؟؟
أجل لا تلوموني ...
^_^



Links:
Pics source/Links,..
روابط لصورة أوضح , والرابط الإنجليزي لبقية الصور:

No comments:

Post a Comment